अब स्कूल खुल्छ की खुल्दैन त्यो पनि थाहा छैन

Designed by crowf / Freepik

मलाई घरमा बस्दा एकदम नरमाईलो लागेको छ । लकडाउन हुनु भन्दा पहिला नै इन्डिया जाने प्लान बनाएका थियौं तर जाने भन्दा भन्दै लकडाउन भयो । त्यसपछि जान पाएनौं । अब त मलाई डर लागीरहेछ हामी कहिले इन्डिया जान पाउँछौ कि पाउदैनौं भनेर ? मेरो हजुरआमा यहि बिचमा बिरामी हुनुहुन्छ । डर झन बढेको छ उहाँलाई निको हुन्छ की नाई ? धेरै बिरामी हुनुभयो भने यो बेला हस्पिटल लान पनि गाह्रो छ । कोरोना भन्दा पनि मलाई यस्तै अन्य कुराले बढी सताई रहेको छ ।

लकडाउन पछि म बिहान ७ बजे उठ्छु । फ्रेस हुन्छु, चिया पकाउँछु, भाईहरुलाई खुवाउँछु अनि आफु पनि खाईसके पछी भाईहरुलाई पढाउँछु । १० बजे तिर ममीले खाना पकाईसकेको हुनुहुन्छ । सबै परिवारसँगै बसेर खाना खान्छौं । ममी भान्सा सफा गर्नुहुन्छ । भाई र म लुडो खेल्दै टि ।भि । र्हेछौं । त्यस पछि म पढ्छु ।

अब यो लकडाउन खुल्छ की खुल्दैन?
के हुेने हो?
दिनदिनै चिन्ता बढी रहेको छ

अन्य धेरै स्कूलहरुको त अनलाईन क्लास भईरा’छ । हाम्रो स्कूलमा त अनलाईन क्लासको व्यवस्था पनि छैन । अब स्कूल खुल्छ की खुल्दैन त्यो पनि थाहा छैन । मलाई पढाई के हुने हो ? भनेर धेरै चिन्ता लागीरा’छ । लकडाउन कै बिचमा हाम्रो त रिजल्ट आयो । म पास भएँ । मलाई एकदम खुशी लाग्यो । तर एस ।ई ।ई । को त परिक्षा पनि भएको छैन । उनीहरुलाई कस्तो धेरै चिन्ता परेको होला ? उनीहरुको परिक्षा हुन्छ कि हुँदैना भन्दाअ भन्दाइ उनिहरुलाई परिक्षा नै लिन नपर्ने भन्ने समाचार पढें । हाम्रो अनलाईन कक्षा हुन्छ कि हुँदैन ? हाम्रो स्कूल खुल्छ कि खुल्दैन सोच्दा सोच्दा अब के हुने हो ? भन्ने डर लागिरहन्छ ।

ममी बाबाले हामीलाई चोकमा समेत जान दिनु हुँदैन । कोही साथिहरुलाई भेट्न पनि पाएको छैन । यो कोरोनाले गर्दा मलाई कस्तो चिन्ता भईरा’छ । अब यो लकडाउन खुल्छ की खुल्दैन? के हुेने हो? दिनदिनै चिन्ता बढी रहेको छ । घरमा बस्दा राम्रोसँग खान पनि पाएको छैन । मेरो बाबालाई धेरै चिन्ता भईरा’छ । लकडाउन अगाडि मेरो बाबा फुटपाथमा लुगा बेच्नु हुन्थ्यो । अब त्यो पनि बेच्न दिँदैन । हामीलाई धेरै समस्या भईरा’छ । लकडाउन धेरै लम्बियो भने के खाने होला ? भनेर बाबा धेरै चिन्ता गर्नुहुन्छ । मलाई एकदम नरमाईलो लाग्छ बाबालाई देखेर ।

कक्षा ९
कान्तिईश्वरी मा.वि. प्याफल

Leave a Reply

Your email address will not be published. Required fields are marked *

1 + 3 =